Исхрана на растенијата

Фотосинтеза Зелените растенија создаваат своја храна во хемиски процес наречен фотосинтеза. Светлосната енергија на Сонцето се претвара во хемиска енергија во шеќерот глукоза. Светлосната енергија ја прима зелениот пигмент наречен хлорофил. Тој се наоѓа во органелите во клетките на зелените растенија, наречени хлоропласти. Растителните клетки што го вршат најголемиот дел од фотосинтезата, како што се палисадните клетки на листот, содржат големи количини хлоропласти за да примат голема количина на светлина. Сликава прикажува една палисадна клетка. За претворање на јаглерод диоксидот и водата во глукоза и кислород е потребна енергија. Јаглерод диоксидот доаѓа од воздухот преку листовите. Водата се добива од почвата преку корењата. Реакцијата може да се прикаже со следнава равенка, искажана со зборови:   светлина  јаглерод диоксид  +  вода   —>  глукоза  +   кислород   хлорофил Производите од процесот на фотосинтеза се од најголемо значење за останатиот жив свет. Растенијата и животните го употребуваат кислородот за дишење. Глукозата претставува извор на енергија за сите животни.
Употреба на глукозата Растенијата користат само дел од глукозата во процесот на дишењето. Ослободената енергија се користи за соединување на помали молекули во поглеми: вишокот глукоза може да се претвори во скроб и да се складира шеќерите се претвораат во целулоза за изградба на ѕидовите на клетките шеќерите, нитратите и другите хранливи состојки се претвораат во амино киселини за натамошно создавање на белковини шеќерите се претвораат во маснотии (масти и масла) за складирање во семињата на растенијата
Потреба од минерали Минералните соли се неопходни за здрав развиток на растенијата. Тие се примаат од растението од почвата, во облик на минерални јони.  минерален јон  употреба  симптоми на недостаток  нитрат   За создавање белковини потребни за непречено растење и развој попречен развој, со пожолтени лисја  фосфат важна функција во реакциите на фотосинтезата и дишењето слаб развој на корењата, со темно-црвени лисја  калиум помага во работата на ензимите задолжени за фотосинтеза и дишење жолти лисја со мртви (темни) дамки
Експерименти со фотосинтезата За да се покаже дека светлината, јаглерод диоксидот и хлорофилот се трите компоненти на процесот на фотосинтеза може да се изведат неколку експерименти. Ако недостасува некоја од овие компоненти, растението не може да врши фотосинтеза. За да утврдиме дали растението врши фотосинтеза, отстрануваме лист и го подложуваме на процес на проверка за скроб. Листот се потопува во врела вода, со што се прекинуваат сите реакции што течат во листот. Зелениот хлорофил се отстранува со варење на листот во етанол во рок од неколку минути. Листот е омекнат, а етанолот се измива со топла вода. За докажување на скроб, листот се става во раствор на јод. Со оваа подготовка, листот е подготвен за натамошниот тек на експериментите. Само централниот дел од листот содржел хлорофил. По испитувањето, растворот на јод го поцрнува само тој дел, со што е докажано дека хлорофилот е потребен за процесот на фотосинтеза.
Интензитет на фотосинтеза Врз интензитетот на фотосинтеза имаат влијание неколку фактори: Интензитетот на светлината – колку повеќе светлина, толку е поинтензивна фотосинтезата. Концентрацијата на јаглерод диоксид – колку повеќе јаглерод диоксид, толку е повисок интензитетот на фотосинтеза. Температура – повисоката температура го зголемува интензитетот на фотосинтеза, затоа што е контролиран од ензими. Но, ако температурата стане превисока, ензимите ќе станат неактивни и интензитетот на фотосинтеза се забавува. Ако некој од факторите е намален, интензитетот на фотосинтеза се ограничува. На графиконот, линијата А покажува дека со зголемувањето на интензитетот на светлината, пропорционално се зголемува интензитетот на фотосинтеза. Линијата може да премине во некоја друга линија и натамошното зголемување на интензитетот на светлината нема да има влијание врз интензитетот на фотосинтеза. Линијата Б покажува дека интензитетот на фотосинтеза се зголемува пропорционално со зголемувањето на температурата. Тоа значи дека температурата претставува ограничувачки фактор во процесот на фотосинтезата.  Универзитет ''Гоце Делчев''